11 августа 2022
838
Яшчэ напярэдадні афіцыйнага ўключэння Заходняй Беларусі ў склад Польшчы Навагрудак быў абраны цэнтрам Навагрудскага ваяводства. Яно было арганізавана 4 лютага 1921 г. і першапачаткова ўключала ў сябе 11 паветаў. У ліпені 1921 г., у выніку новага адміністрацыйнага падзелу, чатыры паветы былі перададзены ў склад Віленскага ваяводства. На пачатку 1930-х гг. Навагрудскае ваяводства ахоплівала 22 966,2 кв км і па памеры ў Польшчы займала дзясятае месца. Ваяводства налічвала 8 паветаў (да выдзялення ў 1929 г. са складу Лідскага павета Шчучынскага – іх было 7), у тым ліку і асобны Навагрудскі з цэнтрам у Навагрудку.