Вучні гімназіі № 1 г. Навагрудка з гонарам размаўляюць на роднай мове

21 февраля 2024 451

У свеце вельмі многа моў, але толькі адна з іх родная. Менавіта, яна для чалавека самая прыгожая, любімая і дарагая. І кожны год 21 лютага ў Міжнародны дзень роднай мовы людзі прызнаюцца ў любві да матчынага слова.

Гэтае свята стала выдатнай нагодай, каб узгадаць мову нашага народа, самім загаварыць на ёй і разам правесці дзень роднай мовы.

Сёння з самага ранку ў гімназіі №1 г. Навагрудка гучала наша родная, беларуская мова. Члены Маладзёжнага парламенту ў нацыянальных касцюмах з прыгожымі прывітальнымі словамі сустракалi i звярталіся да ўсіх, хто заходзіў y нашу ўстанову адукацыi.

Усім жыццём даказана, што беларуская мова не толькі сродак зносін паміж людзьмі, але і душа нацыі, аснова мудрасці народа, яго песень, казак, літаратуры.

Мы ўсе – жыхары адной планеты, мы розныя, але мы разам. Мы паважаем усе народы, усе мовы. Але ж свая, родная мова, нам блізкая і дарагая.

З мэтай папулярызацыі беларускай мовы, удасканалення ведаў па беларускай мове настаўнікі і вучні напісалі абласны дыктант «Сiмвал безмерных выпрабаванняў беларусаў».