Сёння падрыхтоўку кваліфікаваных спецыялістаў для органаў унутраных спраў на вочнай форме навучання ажыццяўляюць дзве ведамасныя вышэйшыя навучальныя ўстановы: Акадэмія Міністрэрства ўнутраных спраў Рэспублікі Беларусь і Магілёўскі інстытут Міністэрства ўнутраных спраў Рэспублікі Беларусь.
Уладзіслаў Сяргеевіч скончыў Акадэмію МУС Рэспублікі Беларусь і працуе ў Навагрудскім РАУС ужо больш за два гады. Прызнаецца: служба складаная, але аб сваім выбары не шкадаваў ніколі. – У 16 гадоў, калі большасць падлеткаў стаяць перад выбарам прафесіі, мне пашанцавала вучыцца ў прававым класе сярэдняй школы № 3 г. Навагрудка. Мяне вельмі зацікавілі прававыя дысцыпліны, на якія ў 10-11 класах рабіўся вялікі ўпор. І я вырашыў, што ў будучыні бачу сябе толькі міліцыянерам, – падзяліўся У. Баяроўскі. – Маё рашэнне было абдуманым і ўзважаным. Пасля паспяховай здачы ЦТ і ваенна-ўрачэбнай камісіі я атрымаў магчымасць стаць курсантам
Акадэміі МУС Рэспублікі Беларусь. З 2013 года тэрмін навучання ў Акадэміі складае 4 гады, на працягу якіх курсанты асвойваюць не толькі ўстаноўлены для юрыдычных ВНУ курс прававых дысцыплін, але і шэраг прыкладных дысцыплін, вывучэнне якіх дазволіць будучым праваахоўнікам паспяхова выконваць задачы па барацьбе са злачыннасцю. Пасля заканчэння выпускнікі атрымліваюць дыплом аб вышэйшай юрыдычнай адукацыі, а таксама загадам міністра ўнутраных спраў ім прысвойваецца першае афіцэрскае спецыяльнае званне «лейтэнант міліцыі». – Пры паступленні ў Акадэмію МУС курсант пераходзіць на поўнае дзяржаўнае абеспячэнне, якое ўключае ў сябе бясплатнае навучанне, пражыванне, абмундзіраванне, харчаванне і штомесячную стыпендыю. Я лічу, што гэта велізарная перавага як для курсантаў, так і для іх бацькоў, – упэўнены мой суразмоўца. – Навучанне ў Акадэміі МУС РБ – сур'ёзная школа. Высокі ўзровень прафесійнай і фізічнай
падрыхтоўкі, камфортны распарадак дня, а таксама асабісты час па вечарах і выхадных – несумненныя плюсы навучання ў Акадэміі. Ёсць і іншыя, аб якіх
можна больш дэталёва даведацца на сайце ўстановы www.amia.by.
Калі вы хочаце стаць прафесійным юрыстам, аператыўным супрацоўнікам, участковым інспектарам, інспектарам ДАІ – гэтыя і многія іншыя прафесіі дапамогуць асвоіць у Акадэміі. Супрацоўнікі Навагрудскага РАУС гатовыя даць неабходныя звесткі і адказаць на ўсе пытанні, якія тычацца паступлення ў ведамасныя навучальныя ўстановы.
Для атрымання неабходнай інфармацыі аб умовах паступлення трэба звярнуцца ў аддзел кадраў Навагрудскага РАУС: г. Навагрудак, вул. Міцкевіча, 28,
тэл. 2-35-30.